相召來去阮厝七桃(中) @ 卓子茶房的讀冊間

繼續帶大家來去阮厝七桃。

離阮厝無外遠，有一間大廟，叫作「朝中宮」。

朝中宮是阮庄的主廟，奉祀上帝爺公，也就是北極玄天上帝。這間廟創建於清朝乾隆33年(西元1768年)，已經有230外冬的歷史了，過年過節，阮攏嘛會去拜拜。但平常時，大家嘛是會去燒燒香、拜拜一下，求一個平安啦！

會記得有一擺，阮ㄚ母破病，病真久、真吃力，看足多醫生、吃足多藥ㄚ，攏無效，我心肝內有夠著急，到尾仔，沒法度，我自己一個人，就跑去上帝公廟，雙手合十，跪在上帝爺公面頭前，祈求上帝爺公，保庇阮ㄚ母的病卡緊好起來，沒外久，阮ㄚ母的病，就漸漸好起來了，足感謝上帝爺公的保庇。

這間土地公廟在阮厝角邊，阮ㄚ嫂和小嬸嬸，每天透早，攏會輪流陪阮ㄚ母來土地公廟散步。

阮細漢的時袸，土地公廟四周圍，還擱隴是墓ㄚ埔，但是阮每天下午放學，或是假日，攏要牽牛去墓ㄚ埔飼，因為只有墓ㄚ埔有草給牛吃，雖然自己一個人，站在墓ㄚ埔活麥驚死，嘛是要做，田庄囝仔、艱苦人，那有法度。

後來，墓ㄚ埔慢慢遷走，庄裏一些熱心的鄉親，大家捐淡薄ㄚ錢，把土地公廟重砌，四邊嘛整得平─平平、水冬冬，不但老大人都在那裏喝茶、走棋、話天說皇帝，大大、小小透早、透晚嘛攏在那散步、運動，每工攏足鬧熱，但是獨獨阮ㄚ母的身影消失了，乎我足感慨！

這幾年，阮這間土地公廟的廟埕，無形中變成了各種集會的場所，娶某請人客、辦活動，甚至選舉的大場晚會，攏嘛在這裏辦。(舊年年底選舉，那些大仙的，一仙、一仙攏嘛有來站台過，鬧熱滾滾！)

墓ㄚ埔，ㄚ！真是滄海桑田！

土地公廟頭前左邊這叢榕仔，是由阮厝搬過去種的，聽說，厝腳未凍種榕樹，所以阮就把伊搬去土地公廟頭前種，彼袸猶擱細細叢，10外年過去了，這叢榕仔嘛大叢了，時間就是安尼！

真是十年樹木ㄚ！

阮厝面頭前的稻ㄚ園，綠油油的ㄚ！

這間是阮厝啦，歹歹的！

阮厝本來是土角厝，有五間，中間是大廳，大廳正中央放一塊「紅格桌」，「紅格桌」長長、高高的，但是卡窄，正中間放一個香爐，拜神的香，就插在這個香爐。右邊安置祖先的牌位，牌位前放一對燭臺、一個香爐。左邊放一盞煤油燈，點香用的。正中間壁頂，掛一幅「觀娘媽彩ㄚ」。

「紅格桌」下方放一塊材ㄟ、四角形的桌子，號作「下桌」，「下桌」的作用真大喔，平常時會動放物件；拜拜ㄟ時袸放牲禮等供品；但是大部份時間，攏當作阮的讀冊桌ㄚ，阮讀小學、中學ㄟ時，攏是趴在這塊桌子渡過的(讀冊兼杜孤)~

大廳內右邊中間，放幾寮竹椅仔，平常時閒閒，攏坐在那裏開講；左邊尚內底放一個材ㄟ菜櫥，中間放飯鍋(哈哈，飯桶啦！)，統外口就是吃飯桌了。

卡早庄腳人吃飯，是查甫郎先吃，查某人吃後尾，農業時代，感覺是查甫人卡大。但有時袸，ㄚ爸和ㄚ兄做工作回來，肚子卡餓；有時趕緊麥去田裡做工作，ㄚ阮嘛麥去讀冊；有時，查某人猶擱在灶腳無閒，所以吃飯ㄟ時，攏查甫郎先吃。不過庄腳ㄟ查某人，大部分攏以查甫郎為主，卡有犧牲自己ㄟ美德，這袸工商時代，專專小家庭，卡無古早安尼了。

大廳左邊，依次是大房(長子娶媳婦時的房間。)、灶腳；右邊是二房、五間。這間「五間」作用嘛足大，有時會凍作阮的房間、客房、谷倉、儲藏室~

可惜阮的土角厝乎賽洛瑪風颱吹倒去了，這袸的厝是重砌的。