清明，是一個紀念祖先的節日，照慣例，要回轉去老家掃墓。
會記得，阮細漢的時袸，每年清明，阮的大光頭，攏舉著大日頭，甲ㄚ嬤走路去山仔頂頭，給ㄚ公掛墓紙，一趟路差不多要走點外鐘，彼時袸也無車，只好用走的。
聽說ㄚ公足早就過身去了，卡早無攝相，所以我嘛無知ㄚ公是生做安怎？阿ㄚ嬤嘛往生去足多年了，今仔日嘛有去給她掃墓。
阮厝住在草地，阮老爸是青瞑牛、傳統庄腳的做田人，因為厝內頭嘴一大群，又擱要栽培阮讀冊，所以攏無暝無日的做工，有時袸嘛去給別人駛田，每工有夠打拼，天天攏嘛做到三更半暝，吃又擱吃歹，所以身體漸漸打壞，五十三歲就過身去了，彼時袸，阮嘛猶擱細漢。ㄚ！往事講起來，會乎人傷心啦～
阮阿母嘛是無讀冊、無識字，但是阿爸過身了後，阿母伊孤單一個人做田、養豬、款家庭、騎獨輪車去農會辦代誌，也要擱撫養阮一大群囝仔，嘛是真勞碌。阮那無阿母的照顧、撫養、栽培，阮那有機會讀冊？那有今仔日的成就？
阮阿母嘛是操勞過度，尤其晚年身體足歹，厚毛病，十外年前嘛回轉去老祖厝了，彼時袸，為了思念ㄚ母，我哮了歸啦冬，唉！天命難違ㄚ，只能趁今仔日清明，去金寶塔給她看一下、為她獻三柱清香，以表思念之情。
阮『庄』現在雖然變成『都』，但『都』嘛共款，草地嘛是草地，一大片土地，無值錢，放置那ㄆㄚ荒啦，聽說台北一坪六百外萬，驚死人！那些做大官的，只有嘴在講重視草地，ㄚ！無卡紙啦，要吃戶神自己抓啦，傻百姓，苦憐～
平常時大家無閒，今仔日趁放假，相召大家好朋友來去阮厝七桃，歹所在，寬寬，空氣卡好啦，大家『麥相氣嫌』ㄛ！
大伯伯的結婚照，足久足久的故事了！
這叢老蓮霧大約有200年歷史了，它是阮厝的標誌，我那給阮鄉的人講：
『阮厝住在蓮霧下』，大家攏嘛知影是什麼所在。
阮厝卡早的柴間─因為以前庄腳都燒柴，所以柴間是用來放柴的。
這叢酪梨是阮大兄種的，聽說酪梨參牛奶絞汁，足補的。
阮ㄚ兄種的香蕉，Q擱甜，有愛心的滋味。
龍眼樹，每年夏天都生足多，但是今年請休假！
＼
小羊叔叔在喂他心愛的羊。
厝頭前的九重葛，足水啊！
阮阿母種的玉蘭花，大開時，滿樹攏總白蒼蒼、香噴噴。
阮厝ㄟ壓水機，以前都靠它供應我們生活用水，但現在已經退休了。
阮阿母種的桂花樹，清香迷人。(阮阿母是愛花人，在世時，厝前厝後種足多花，
香噴噴、水冬冬。)
這間是老ㄚ公的讀冊間，有老ㄚ公足多寶貴的古早冊、文件和相片，
差不多像一間小圖書館。
老ㄚ公讀冊間壁頂的相片。
小羊叔叔種的桑樹，紅紅的果子，足水、足甜。
(※有的無照到，另工再向大家紹介，多謝各位，勞力！)
留言列表
